Payg‘ambarlar, ulamolar, solih insonlar va donishmandlar ham xulq-atvori yaxshi bo‘lmagan ayollari bilan yashashgan, ularga sabr qilishgan. Payg‘ambar alayhissalom oila boshlig‘i bo‘lgan erlarga ayollarining go‘zal va yaxshi jihatlariga qarashni, baʼzi yoqtirmagan jihatlariga eʼtibor qilmaslikni tavsiya qilganlar. Maqsad Allohning kalomi bilan qurilgan oilaning bardavomliligini ushlash bo‘lsa, ikki tomon bir-birini tushunishi, munosabatlarini isloh qilishi har doim avlodir. Badxulq kishilar esa bu borada muvozanatni ushlolmay, xato ishlarga qo‘l urishadi. Ushbu risolada ulug‘ zotlarning oilaviy hayot tarzidan hikoyalar, ibratu pand-nasihatlar keltirilgan. Ayollar bilan bog‘liq nozik masalalarga yechimlar berilgan.