Sahobalar – Payg‘ambar alayhissalomning talabalari, bizlarning esa ustozlarimizdir. Bizga ular Payg‘ambar alayhissalomning sunnatlarini hayot tarzimizga asos qilib olishimiz va go‘zal dinimizda qanday yashashimiz kerakligini o‘rgatadilar.

Fazilatli musulmon bo‘lmoq uchun Alloh taoloning Rasulidan va u zotning izlaridan yurgan asʼhobi kiromdan o‘rnak olmoq shart. Asʼhobi kiromni yaxshi tanimoq va ulardan o‘rnak ola bilmoq uchun qo‘lingizdagi asarda ularning feʼl-atvorlaridan xabar beruvchi ishonchli hadislardan 101 xotira to‘plandi.

Biz Allohning Rasuli va u zotning izidan yurgan sahobalar avlodining amallarini hayotimizga asos qilib olib, ular kabi yashashga g‘ayratli bo‘lmog‘imiz darkor. Qiyomatga qadar keladigan musulmonlar shunday qiladilar. Inshaalloh, bu silsila shu yo‘sinda davom etajak.