Biz ulkan koinotdagi kichik bir sayyorada yashaymiz. Bu sayyorada qancha-qancha odam avlodi, qancha-qancha payg‘ambarlar, ulug‘ insonlar yashab o‘tishgan. Seningcha, Yer yuzidagi hayotimizga maʼno baxsh etgan inson kim? Ha, to‘g‘ri topding, payg‘ambarimiz Muhammad sollallohu alayhi vasallam.

U zot bu dunyoda ko‘p yashamadilar, ammo muborak xulq-atvorlari, hayot tarzlari necha asrlarki, biz musulmonlarga hamon yo‘l-yo‘riq ko‘rsatib kelmoqda. Shuning uchun Payg‘ambarimiz alayhissalomga ergashish bizni saodatga, huzur-halovatga, go‘zal manzillarga yetaklaydi.