Bu dunyo ko‘p yaxshiliklarga erishishimizga to‘sqinlik qiladigan, zarbalarga boy kurash maydoniga o‘xshaydi. Maʼrifat ana shu to‘siqlarning bizga yetkazadigan talafotini yodda tutib, duch keladigan qiyinchilik­larda to‘g‘ri usulga tayanib, natijaga emas, jarayonga diqqat-eʼtiborni qaratib, ushbu imtihondan o‘tib olishdir. Boshqalarning qanday munosabatda bo‘layotganiga qaramasdan, nima deyayotganiga parvo qilmasdan, o‘zni ichdan isloh qiladigan to‘g‘ri xatti-harakatlarda sobit turish va shunga ko‘ra yo‘l tutish tajribali insonga xos ish. Haq bo‘lish uchun haqiqatda sobit turish shart. Bizni to‘g‘ri yo‘lda tutib turadigan ham aynan mana shu mezon.