Asli kelib chiqishi turkiy qavmlarga mansub bo‘lgan Ivan Turgenev nafaqat rus, balki jahon adabiyotining yirik namoyandasidir. Uning ijodiga zamondoshlarigina emas, hatto keyingi asrlarda Mixail Sholoxov, Ernest Heminguey, Frans Kafka kabi buyuk adiblar yuksak baho berishgan.

Turgenevning yirik ijod namunalaridan hisoblangan “Rudin”, “Asya”, “Dvoryanlar uyasi”, “Arafa” hamda “Otalar va bolalar” asarlarida yozuvchi o‘z vatanida kechayotgan jarayonlarni mohirona aks ettirgan . Shuningdek, “Otalar va bolalar” romani rus adabiyotshunosligida Turgenev ijodining cho‘qqisi sifatida talqin etiladi.

Ivan Turgenev asarlari jahonning ko‘plab tillariga tarjima qilingan. Jumladan, ushbu to‘plamda adibning “Birinchi muhabbat”, “Otalar va bolalar” va “Asya” kabi asarlari o‘rin olgan.