Ali Tantoviyning "Islom diniga umumiy taʼrif" deb nomlangan ushbu asari o‘z nomiga mos ravishda o‘quvchilarga islom diniga oid umumiy maʼlumotlarni taqdim etadi. Biroq, mazkur kitobning o‘ziga xos jihati shundan iboratki, undagi maʼlumotlar barcha tushunadigan sodda tilda yozilgan bo‘lib, islomiy haqiqatlar turli mantiqiy asoslar hamda hayotiy misollar orqali ochib berilgan. Unda Alloh taoloning biru borligi, yagona iloh ekani, sifatlari, g‘aybga iymon keltirish, oxirat, qayta tirilish, hisob, jannat va do‘zax, payg‘ambarlar va samoviy kitoblarga iymon keltirish kabi ularsiz kishi iymonli sanalmaydigan muhim mavzular bayon etilgan.