Ushbu kitob Islom dinining buyuk va odil xalifasi hazrati Umar (roziyallohu anhu) haqida hikoya qiladi. Islomni qabul qilganlaridan keyin u zotning qalbi Haq taolo va Uning Rasuli (sollallohu alayhi va sallam)ga bo‘lgan muhabbat ila limmo-lim to‘ldi. O‘ziga ayb va kamchiliklarini aytgan kishini yaxshi ko‘radigan zotning feʼl-atvori ham bashariyatga go‘zal bir o‘rnakdir. Umrlarining so‘ngiga qadar muqaddas din yo‘lida ham molini, ham jonini ayamagan xalifa haqidagi ushbu kitob sizga mazkur ulug‘ shaxs va u zotning fazilatlari borasida keng maʼlumot beradi, degan umiddamiz.