Aziz va muhtaram o‘quvchilar! Alloh taoloning inoya­ti ila Siz azizlarga «Mabdaus sarf» (arab tili sarf fanidan darslik) hamda «Mabdaun nahv» (arab tili nahv fanidan dars­lik) kitobini taqdim qilmoqdamiz. Ushbu kitob asrlar osha madrasalarda darslik sifatida o‘qitib kelingan. O‘shanda kitob tatar tili va arab yozuvida bo‘lgan. Bu narsa hozirgi kitobxonga biroz qiyinchilik tug‘dirishi tabiiy. Ana shu qiyinchilikni bartaraf qilish maqsadida, kitobni o‘zbek tili va kirill yozuvida qaytadan tayyorlashga jazm qildik.