Qo‘lingizdagi Qurʼoni karimning ushbu izohli tarjimasi yurtimizda yetishib chiqqan alloma, Qo‘qon va Buxoro madrasalarida ilm tahsil qilgan, so‘ngra chorak asrdan ziyod umri Afg‘oniston va Hindiston o‘lkalarida ilm izlashda o‘tgan tabarruk inson, xatmi kutub qilgan beqiyos olim Muhammadjon Mullo Rustam o‘g‘li Qo‘qondiy (Mavlaviy Hoji Hindistoniy) (1892—1989) qalamiga mansubdir. Ushbu izohli tarjima ulkan olimning ko‘p yillik ilmiy izlanishlari va teran mushohadalari o‘laroq dunyoga keldi.