Qo‘lingizdagi kitobning yaratilganiga bir asrdan oshgan bo‘lsa-da, hali-hamon o‘quvchilar orasida o‘z ahamiyatini yo‘qotmagan. Balki uslu­bining soddaligi, o‘zlashtirish oson bo‘lganligi bois ko‘plab ilm tolib­lari qalbidan joy olgan va hanuzgacha qayta-qayta chop etilmoqda. Risola Qurʼoni karimning Qozon bosma xati uslubiga muvofiq yozilgan va o‘quvchiga boshlang‘ich tajvid qoidalari tushuntirib o‘tilgan. Kitob oxirida Qurʼoni karimning 30-porasi tajvid qoidalari asosida tegish­li ranglar bilan belgilangan holda keltirilgan.