Garchi Karnegi vafotiga yarim asrdan oshgan bo‘lsa-da, uning asarlari hamon eng ko‘p chop etiluvchi nashrlar ro‘yxatidan tushgani yo‘q. Hozirgacha insonlar uning g‘oyalari va falsafasidan ruhlanadilar, hayratlanadilar va uni buyuk dohiy sifatida ko‘radilar. Uning kitoblaridan iqtibos olish keng urfga kirgan. Uning g‘oyalari butun avlod kishilarining ongini, dunyoqarashini va fikrlash tarzini o‘zgartira olgan. “Xursand bo‘lib yashash uchun ikki narsa kerak: biri – xursand bo‘lish, ikkinchisi – yashash”, “Ikki inson panjara ortidan qarashardi, biri faqat ifloslikni ko‘rardi, ikkinchisi esa yulduzlarni”, “Agar senga taqdir limon bersa, undan limonad (sharbat) qil” kabi iqtiboslar hayratlanarli darajada kuchli va oddiydir.