Ushbu kitob "2002 hadis" nomi bilan mashhur bo‘lgan. Biroq qo‘lingizdagi kitobda 1393 tasi tarjima qilinib, qolgani ish jarayonida davom etmoqda. Inshaalloh, to‘liqligicha Siz kitobxonlarga taqdim etish niyatimiz bor. Ibodatlar boshi Alloh taoloni tanish, U Zotga ibodat, taqvo qilishdir. Shu xususiyatlarga ega kishigina bandaligini, insonligini to‘liq anglab, his etib, jamiyat, bilan uyg‘un, tinch-totuv umrguzaronlik qiladi. O‘zi va boshqalarga yaxshilikni ravo ko‘rish yoki hech bo‘lmaganda yomonlikdan tiyilish harakatida bo‘ladi, komil mo‘min-musulmonlik sari intiladi. Ushbu kitobda keltirilgan hadisi shariflar shu boradagi axloq-odob masalalarini targib qiladi.